VELENO

"Velenu"

Ogni anno passatu ca ae settembre,

 cu qualche chilu chiui te suppurtare,

cuminciu chianu chianu a caminare

cu bisciu se me juta pe sciuttare

drhu filu te pancetta"salutare",

misa cu l’amici a praticare

la meiju arte te lu mundu, sia ben chiaru,

quiddrha te la furcina e lu cucchiaru.

Te mmane mprima

 me 'ncamminu a piedi

su strade verdeggianti 

a mienzu all'uliveti,

vantu immagine e turmentu

pe tutti nui gente te lu Salentu,

in cerca te nu picca te aria pura,

 frisca e ossigenata

tra scrasce, frutti e 'ndori

 te n'epuca passata.

Ma ahime'!,

 rriatu appena dopu lu Tagnasca,

nu fumu e na puzza te bruciatu

 me penetra la nashca

me blocca li polmoni e nu bisciu chiui la via,

 e sulu me ddummandu: 

ma stu fumu e sta cazzu te puzza

te drhu rria?

Purtroppu, comu succede ogni annu,

senza riguardu alcunu pe l'altrui salute,

sta bruciane muntuni te fujazze te ulia

dopu ca l'hane 'nvelenate.

Fumicane pe giurni e giurni, 

chianu, chianu,

comu gocce te "sanu velenu",

e nui, comu tanti fessi,

 senza 'nde ribellamu,

simu costretti respirandu a picchi a picchi,

stu velenu 'mpuzzunutu cu 'nde lu bivimu.

Me fusce lu pinzieri alli piccinni,

 alli vecchi e alli tanti malati

costretti cu respirane sti fumi 'nvelenati,

e me passane te nanzi le facce

 te tanti amici e te paesani 

ca puru pe curpa te li veleni usati,

all'audrhu mundu, 

suffrendu su passati.

Ulia cu bessu jentu te tempesta

cu lluntanu stu velenu,

 moi..te pressa!

o nula te punente o te 'ntra Calimera,

curma t’ acqua scura scura,

cu stutu drhe lampe te velenu

 e drha brutta fūmara

e cu portu a tutti quanti

 nu picchi te aria pura.

Ricordu a ci purtroppu, pare sa scerratu,

ca li nonni nosci,

ca viviane sulu te lu sulu fruttu te la madre terra,

 nu minavane veleni all'aria

e nu bruciavane fujiazze a 'nterra,

ma faciane sutta all'arbuli l'arie tornu, tornu,

cussi' le fujiazze, comu cuncime naturale,

sutta terra faciane ritornu.

A ci osci continua brucia,

ulia cu trou parole cu lli fazzu capire

ca se continuamu te stu passu,

cu respiramu stu fumu e stu velenu,

prestu, prestu tutti, puru li fiji loro, 

all’audhru mundu

 scia' spicciamu!

Ulia li ticu puru a 'ntra na ricchia

quiddhru ca me disse nu vecchiu e saggiu contadinu,

cu la scarpa grossa e lu cervellu finu.

"""Li sordi ca sparagnane 

bruciandu le fujazze te ulia,
 drhi poveri ciucci, prima o poi, 

li spendune tutti

'ntra a na bella farmacia!""