LU PARADISU BBANDUNATU

“ Lu paradisu bbandunatu”

Se lu paradisu uliti cu bbititi,

sutta a Torre Sant'Andrea tocca scinditi,

nfacciative allu portu, alla punta,

 allu pepe, allu bastimentu, 

alla punticeddhra e ammirati

le grazie te sti posti 

ca parune 'ncantati;

La natura, pe lu piacere te l'occhi osci,

intra lla roccia l'hà scolpiti

e comu perle 

poi l'hà ncastunati,

la spiaggia, li scogli, li faraglioni,

  le grutte, lu faru,

 lu sciardinieddhru 

e poi lu tafaluru

suntu meraviglie 

pe lu mundu interu;

comu na mamma face cu li fiji 

a tutti l'hai crisciuti e coccolati

vagnoni, grandi, vecchi 

e tanti nnamurati;

comu na beddhra fimmina

t'hai sempre mantinuta

e gente te tuttu lu mundu,

cu l'acqua cristallina toa,

senza mai ddumanda nienti,

hai ddifriscata;

moi pare ca te tie 

tutti sane scerrati 

 e comu na beddhra fimmina tradita,

 te tutti l' amanti toi 
te senti trascurata;

 mo' ca a stozze sta cati 

te li tiempi ndebbulita
 e a tutti ulivi griti ca oi consolidata,

 uce nu tieni chiui cu chiedi jutu
 e muta te nde stai 

comu na vecchia sula bbandunata;

beddhra comu a prima ulia prestu cu ttorni

Sant'Andria mia cu tutti li cuntorni,

senza tutte dhre ferite e dhri brutti danni,

cu riu cu tie me passu,
 te la vita mia, l'urtimi anni.

(traduzione)

“Il paradiso abbandonato”

Se il paradiso volete vedere 

sotto a Sant'Andrea dovete scendere.

Affacciatevi al "porto" alla "punta" al "pepe"

al “bastimento”, alla "punticeddhra" e ammirate

le grazie di questi posti che sembrano incantati.

La natura, per il piacere dei vostri occhi,

nella roccia gli ha scolpiti

e come perle poi li ha incastonati.

La spiaggia, gli scogli, i faraglioni,

le grotte, il faro, il giardinetto

e poi il tafaluro

sono meraviglie per il mondo intero.

Come una mamma fa coi propri figli

tutti hai cresciuto e coccolato,

bambini, grandi, vecchi e innamorati.

Come una bella donna ti sei sempre mantenuta

e gente di tutto il mondo, con l'acqua cristallina tua,

senza mai domandare niente, hai rinfrescato.

 A pezzi stai cadendo indebolita dal tempo,

 voce non hai tu per chiedere aiuto

e ti senti sola e trascurata

a tutti vorresti gridare

 che hai bisogno d'essere consolidata.

Sembra che tutti t'abbiano dimenticata

e come una donna tradita

da tutti i tuoi amanti ti senti trascurata,

A pezzi stai cadendo dai tempi indebolita
a  tutti vorresti gridare che andresti consolidata,

ma voce tu non hai per chiedere aiuto
e muta te ne stai come una vecchia

 sola e abbandonata.

Bella come prima vorrei presto vederti tornare

Sant'Andrea mia e tutti i tuoi contorni,

senza tutte quelle ferite e quei brutti danni

per passare con te,
 della vita mia...gli ultimi anni.