LA VITA

" La Vita"

La vita è cusì breve amici mei,

ca gheu cu me ccuntentu

ndia ulute almenu sei...

Una te chiùi cu mparu tutte dre cose

ca nella prima vita,

tiempu cu lle mparu nu nci fose.

Una te chiui cu scanzu

o cu riparu tutti ddhri guai,

ca nella prima vita pe sbajiu cumbinai.

Una te chiui cu giru tutti dhri paesi,

addhru nella prima

vita nun ci fosi.

Una te chiui cu me pozzu ccattare

tuttu quiddhru

ca ntra la prima vita

 ibbi a sugnare.

Una te chiui cu nu fazzu nienti

comu a ntra sta vita

aggiu istu fare a tanti.

 E una te chiui cu pozzu meiu amare,

la donna ca nella prima vita

me bbinchiau d' amore...

 e qualche fiata...
me fice puru disperare!