SALENTO LA CREAZIONE.

                       

                        Salento (la creazione)

Quandu Dio creau  l’universu

 fice tante cose a suo completamentu,

la terra, lu mare e lu jentu,

poi fice lu cielu, lu sule, la luna

e tutte le stelle te lu firmamentu.

Mise sulla terra tutte le creature,

creau li pesci, l‘auceddhri e l’animali tutti

e cu li sfama cumandau alla terra cu produca

verdure, erbe, fiuri, arbuli, simenti e li meiu frutti.

Poi  cu nu se fazza mancare propriu nienti,

creau a sua immagine l’uomo e la donna,

cu caratteri e fisicu ben distinti.

Li  consegnau la Terra cu tutti l’ abitanti

e li disse: “”dominati su tutti e tutto

e viviti pe sempre felici e cuntenti.””

Li mise intru a nu sciardinu te rara bellezza

cu acqua, fiuri, frutti e ogni prelibatezza.

L’ uomo e la donna erane felici e cuntenti,

mangiavane e bivijàne senza fatica, sudori e patimenti.

Ma l'uomo lu cuntu nu sia fattu cu la donna, te indole curiusa,

 ca tante nde cumbina e pè tuttu troa na scusa.

Te nu serpente viscidu se ficera nfinocchiare,

mangiara lu fruttu te l’arbulu proibitu 

facenduse ngannare

e cusì,  lu destinu te l’umanità intera

 pe sempre ficera cangiare.

Dopu tanta fatica  lu Signore,  nu picca ncazzatu

puru pe quiddhru ca la fimmina  e l'ommu iane appena cumbinatu,

cu se riposa l’osse e le miduddhre nu mumentu

pinzau cu crea, sulla terra nu secondu paradisu

e lu chiamau…..Salentu.

 Scucchiau na crìa te terra mista a petre

e cu vigne e cu arbuli te ulia la siminau,

la circondau te mare smeraldinu sulli lati

e cu spiagge e cu scogliere l’adornau.

Ripa allu mare mise li guardiani

e lu nome a iddhri li mise “faraglioni”

dune te sabbia bianca e cristallina

poi auzau ripa  allu mare pé catina.

Dopu la costa macchia verdeggiante 

e pinete sia a levante ca a punente. 

La terra poi divise a fazzulettini,

auzau pariti a seccu  alli cunfini 

e la populau te gente generosa 

e te bravi e onesti contadini.

Nu puzzu  pe l’acqua li scavau

intra ogni fondu pe lu giustu ristoru

e ogni tantu nu furnieddhru

te petre poi li auzau pe lu riparu.

Li tese armenti e bestie già domati

cu governa, cu utilizza e cu trasforma

lu latte ca li tiane a li cchiù bboni derivati.

Chiantau arbuli te frutto ogni cantune

e verdure te ogni mese le cchiù bbone.

Ogni annu a quai ritorna lu Signore alla bella stagione

cu pija sule, cu se ricarica le pile e

cu se mangia le cose te sta terra ncora bone.

Te mmane a mare scinde cu sse ddifrisca

e tra li bagnanti  cerca cu sse mmisca.

Poi lu iti subbra all’acqua caminare

mentre sutta alla barba bianca lu sienti mmurmurare: 

"lu core ui Salentini iti tenire sempre presciatu,

ca cu fazzu lu Salentu

  gheu, maggiu propriu mmurtalatu!!!!”

Poi sale sulle dune e alla gente 

sulla spiaggia lu sienti priticare:

“””Lu Salentu  è na ricchezza pe lu mundu interu

e merita te tutti lu rispettu chiù sinceru.

Cercati cu nu faciti danni allu Salentu 

 e quistu lu precettu e la raccomandazione ca be fazzu,

 se no pe ll’avvenire be ticu Amen

e be ttaccati tutti quanti a stu beatu cazzu!!!””””